ХАРЧО́ВЫХ КАНЦЭНТРА́ТАЎ ПРАМЫСЛО́ВАСЦЬ,
галіна харчовай прамысловасці па вырабе сумесей з высушаных расл. (агародніны. фруктаў, збожжавых) і жывёльных (мясных, малочных, рыбных) прадуктаў з дабаўленнем тлушчу, цукру, прыпраў для хуткага прыгатавання гатовых страў.
Выпускаюць харч. канцэнтраты для прыгатавання першых (супы з агародніны, гарохавыя, малочныя), другіх (кашы, агародніна-мясныя рагу. амлеты). трэціх (кісялі. сухія распушчальныя напіткі) страў, дэсерты (жэле, мусы, крэмы), мучныя паўфабрыкаты (тарты, кексы, пячэнне), сухія сняданкі (мюслі, кукурузныя, рысавыя. пшанічныя палачкі, кольцы і інш., аўсяныя шматкі «Геркулес»), араматычныя прыправы (расфасаваныя перац, кардамон, сумесі араматычных траў, соусы) і інш.
На Беларусі 25 прадпрыемстваў Х.к.п. (2000). Найб. буйное — Лідскі завод харчовых канцэнтратаў. Ёсць падсобныя прадпрыемствы ў Мінску, Гродне, Віцебску, Гомелі. Камянцы. Ваўкавыску, Крупках. Краснаполлі і інш.
П.І.Рогач.
т. 16, с. 554
Беларуская Энцыклапедыя (1996—2004, правапіс да 2008 г., часткова)